Супер-Инфо
super.kg видео
Түндүк-Түштүк кошумча унаа жолунун 2-фазасынын курулушуна Кытай 299 миллион доллар бөлгөнү жатат
Түндүк-Түштүк кошумча унаа жолунун 2-фазасынын курулушуна Кытайдын Экспорт-импорттук банкы 299 миллион доллар бөлгөнү жатат. Бул тууралуу бүгүн, 3-апрелде парламенттеги "Ата Мекен" фракциясынын жыйынында транспорт жана коммуникация министри Калыкбек Султанов билдирди.
Автор: Нургазы Аматов
Анын айтымында, жолду кытайлык "China road and bridge corporation" компаниясы курмакчы. "Түндүк-Түштүк кошумча унаа жолунун 2-фазасын куруу 56 айдын ичинде бүтөт. Бул фазанын жалпы узундугу 96 чакырым",- деди министр.
Мындан тышкары аталган кошумча жолдун 3-фазасы тууралуу маалымат берди. "Үчүнчү фазаны баштоо 2016-жылга пландалууда. Анын узундугу 162 чакырым. Бул фазаны курууга 151 миллион доллар керек. Учурда каржылоо боюнча 3 банк менен сүйлөшүүлөр жүрүп жатат",- деп кошумчалады Султанов.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
10:24
2025-07-21
12:59
2025-07-19
Рейтинг: 
0
0
Талкуу жабык.