Президент Токтогул райондук сотунун төрагасын кызматынан мөөнөтүнөн мурда бошотту

Жалал-Абад облусунун Токтогул райондук сотунун төрагасы Дөөлөтбек Бекишов кызматынан мөөнөтүнөн мурда бошотулду. Тиешелүү жарлыкка президент Алмазбек Атамбаевдин кол койгонун бүгүн, 4-апрелде президенттик аппараттын маалыматтык-саясат бөлүмү билдирди.

Маалыматка ылайык, кызматтан бошотууга Д.Бекишовдун ден соолугуна байланыштуу судьянын ыйгарым укуктарын жүргүзүүгө жөндөмсүздүгү себеп болду.

Айта кетсек, жарлык кол коюлган күндөн тартып күчүнө кирет.