Бишкек. Мартта рейд учурунда 335 сырткы жарнама жана маалыматтар чечилип алынды

Бишкектин мэриясы шаардыктарды мыйзамсыз жарнамаларды жайгаштырбоого чакырат. Бул тууралуу мекеменин басма сөз кызматы бүгүн, 6-апрелде билдирди. Маалыматка караганда, быйылкы жылдын март айында Жарнамалар департаменти тарабынан мыйзамсыз жарнама илген физикалык жана юридикалык жактарга 170 эскертүү берген. Ал эми комиссиянын жүргүзгөн рейддеринин жыйынтыгында 335 сырткы жарнамалар жана маалыматтар алынды. Мыйзамсыз жарнама илгендердин көбүнүн тиешелүү документтери жок болуп чыккан жана нормага ылайык эки тилде (сөзсүз түрдө кыргыз тилинде жана орус тилинде болуш керек) жазылган эмес.

Мэрия шаардыктарды жарнама материалдарын дубалдарга, дарактарга жана мамычаларга чаптабоого чакырат.