Өлкө башчынын демилгеси менен 7-Апрелде курман болгондордун элесине мечит курулууда

Президент Алмазбек Атамбаевдин демилгеси менен 7-Апрель революциясында каза болгондорго арналып Бишкекте мечит курулууда. Курулуш иштери бүгүн, 6-апрелде башталганын президенттик аппараттан билдиришти.
Бул үчүн мамлекет башчы Бишкектин 7-кичи районундагы жеке менчигинде турган үлүшүн берди. Курулуш иштерин баштоо иш-чарасынан кийин президент Апрель революциясында каза болгондордун жакындары, окуянын катышуучулары жана коомдук уюмдардын өкүлдөрү менен жолугушту.