Бишкек-Торугарт жолун оңдоого кошумча 15 миллион доллар бөлүү тууралуу макулдашуу ратификацияланды

Президент Алмазбек Атамбаев "2014-жылдын 26-декабрында Бишкек шаарында кол коюлган Кыргыз Республикасы менен Азия өнүктүрүү банкынын ортосундагы каржылоо жөнүндө макулдашууну ратификациялоо тууралуу" мыйзамга кол койду. Документти Жогорку Кеңеш 2015-жылдын 12-мартында кабыл алган.

Мыйзамга ылайык, Кыргыз Республикасынын Каржы министрлиги жогоруда көрсөтүлгөн макулдашуунун күчүнө кирүүсү үчүн зарыл болгон ички мамлекеттик жол-жоболордун Кыргыз Республикасы тарабынан аткарылгандыгы жөнүндө Азия өнүктүрүү банкына кабарлоого милдеттендирилди.

Мыйзам расмий жарыяланган күндөн 10 күн өткөндөн кийин күчүнө кирет.

Айта кетсек, бул документке ылайык, аталган банк Бишкек-Торугарт унаа жолун оңдоого кошумча 15 миллион доллар бөлүп бермекчи.