Депутаттар кыргыз жарандары чет өлкөлөрдө дарыланыш үчүн үйлөрүн сатып жатышканын айтышты

Жогорку Кеңештин 9-апрелдеги жыйынында депутат Эркингүл Иманкожоева бөйрөк ооруларына чалдыккан жарандардын көйгөйлөрүн көтөрүп чыкты. Анын айтымында, көпчүлүк кыргыз мамлекетинин жарандары чет өлкөдө дарылануу үчүн кыйынчылыктарга кабылууда.  

"Бөйрөгүн чет өлкөдөн дарылатуу үчүн 600 кыргыз жараны кезекте турат. Алар дарыланыш үчүн үйлөрүн сатып, чет өлкөлүк ооруканаларда жалдырап отурушат. Жогорку Кеңеш менен өкмөт бул маселени тез арада чечиш керек. Бизде бөйрөк ооруларын дарылоочу аппараттар аз. Ошондуктан өлкөдө заманбап лаборатория ачып, керектүү медициналык жабдуулар менен камсыздаш керек",- деди Иманкожоева.