"Центерра" менен сүйлөшкөн бир жылдык эмгегибизди Дүйшөн Ирсалиев бир күндө текке кетирди" дейт өкмөт башчы Оторбаев

Премьер-министр Жоомарт Оторбаев Жогорку Кеңештин 9-апрелдеги жыйынында "Кумтөр" маселеси боюнча депутаттардын суроолоруна жооп берип жатып "Центерра" менен кыргыз өкмөтүнүн ортосундагы сүйлөшүүлөрдүн текке кеткенине Мамлекеттик мүлктү башкаруу фондунун мурдагы төрагасы Дүйшөн Ирсалиевди күнөөлөдү. "Центерра" менен сүйлөшкөн бир жылдык эмгегибизди бир гана адам текке кетирип салды. Мындай болбош керек. Ошон үчүн аны кызматтан бир ай четтетип турдум. Ошондой эле анын жоопкерчилигин кароо боюнча комиссия түздүм",- деди Оторбаев.