Депутаттар "Кумтөр" боюнча башка вариантты тандайлы" деген өкмөт башчысын сынга алышты

Жогорку Кеңеш "Кумтөр" маселесин карап жатат. Өкмөт башчы Жоомарт Оторбаевдин "мурунку сунушталган эки вариант тең өлкөбүзгө пайдасыз, мен үчүнчү вариантты сунуштайм" деген пикири депутаттар арасында нааразычылык жаратты. Депутат Максат Сабиров: "Үчүнчү вариант дегени болбогон нерсе. Ушунча убакыттан бери сүйлөшүү жүргүзүп келип, эми башка жол менен кетели деген таптакыр туура эмес. Буга чейинки чыгымдарды ким төлөйт анда?"- деп билдирүү менен өкмөттүн жоопкерчилигин кароону кошумчалады.