Президент өлкөнүн Куралдуу күчтөрүнүн аскерлеринин жаңы кийим формасынын эскиздери менен таанышты

Мамлекет башчы Алмазбек Атамбаев 9-апрелде өлкөнүн Куралдуу күчтөрүнүн, башка аскердик түзүлүштөрдүн жана мыйзам менен аскердик кызмат каралган мамлекеттик органдардын аскер кызматчыларынын жаңы аскер кийим формасынын эскиздери менен таанышты.

Президенттик аппараттан билдиришкендей, иш-чара аскердик реформаны жүргүзүүнүн этаптарынын бири болуп эсептелет. Көрсөтүлгөн эскиздерди президент жактырып, андан ары ишти алып баруу боюнча тапшырманы өлкөнүн Куралдуу күчтөрүнүн Башкы штабынын башчысына жана коргоо министрине тапшырды.