"Мен кызматтан кетпейм" деди өкмөт башчы Жоомарт Оторбаев

Жогорку Кеңештин 9-апрелдеги жалпы жыйынында "Кумтөр" маселеси каралып жатат. Өкмөт "Кумтөр" маселесин бир жылдан бери чече албагандыктан, айрым депутаттар өкмөт башчы Жоомарт Оторбаевдин кызматтан кетүүсүн талап кылышты. Оторбаев депутаттардын мындай демилгесине каршы чыгып, "Мен кызматтан кетпейм, тескерисинче, "Кумтөр" маселесин чечүү үчүн саясий колдоо көрсөткүлө, жоопкерчиликти алып иштейм" деп жооп берди. Талкуу уланууда.