Алмазбек Атамбаев Барак Обаманы экинчи мөөнөткө президент болуп шайланышы менен куттуктады

Бүгүн президент Алмазбек Атамбаев Барак Обаманы кайрадан АКШнын президенти болуп шайланышы менен куттуктаганын Президенттин Аппаратынын маалыматтык саясат бөлүмү билдирди. Куттуктоо телеграммасында кыскача мындай деп жазылат: "Урматтуу, Президент! Кайрадан экинчи мөөнөткө президент болуп шайланууңуз менен куттуктайм! Кыргызстан жана АКШнын ортосундагы кызматташуу мындан ары өнүгөт деп ишенем. Ишиңизге ийгилик, Америка элине тынчтык жана өнүгүү каалайм".