Кыргыз студенттери орусиялык адис менен Орусиянын азыркы учурдагы экономикалык жагдайын талкуулашты

КРнын Президентине караштуу Мамлекеттик башкаруу академиясында Орусия Федерациясынын Тышкы
соода-экономикалык өнүктүрүү министрлигинин Бүткүл орусиялык академиясынын проректору Павел Кадочников "Орусиянын азыркы учурдагы экономикалык жагдайы. Евразиялык интеграциянын келечеги" деген темада лекция окуду. Бул тууралуу бүгүн, 10-апрелде КРнын Башкаруу академиясынын басма сөз кызматынан билдиришти. 

Маалыматка караганда, лекциянын жүрүшүндө Кадочников Орусиянын экономикалык санкциялары, 2015-жылдагы каатчылыктын өзгөчөлүктөрү жана ага каршы чаралар, Евразиялык экономикалык биримдигине мүчө өлкөлөрүнүн тышкы жана өз ара соода, интеграциянын өзгөчөлүктөрү жана түрлөрү тууралуу айтып берди.

Лекция КРнын Өкмөтүнө караштуу Бизнес жана инвестицияны өнүктүрүү боюнча кеңештин катчылыгынын чакыруусу менен бизнес-коомчулугу жана мамлекеттик кызматкерлер үчүн өткөрүлдү.