Президент Бириккен Улуттар Уюмунун мурунку өкүлү Мирослав Енчаны Даңк медалы менен сыйлады

Президент Алмазбек Атамбаев Бириккен Улуттар Уюмунун Борбордук Азия үчүн превентивдүү дипломатия боюнча аймактык борборунун мурдагы башчысы Мирослав Енчаны Даңк медалы менен сыйлады. Тиешелүү жарлыкка өлкө башчы 13-апрелде кол койгонун президенттик аппараттан билдиришти. Маалым болгондой, аталган сыйлык Мирослав Енчага Кыргыз Республикасы менен Бириккен Улуттар Уюмунун туруктуулукту жана коопсуздукту бекемдөө боюнча кызматташтыгын өнүктүрүүгө кошкон салымы үчүн берилди.