Жалал-Абад. Шаардык кеңештин кезектеги жыйынында базарлар, тамак-аш сатуучу жайлар тууралуу маселелер каралат

Эртең, 14-апрелде Жалал-Абад шаардык кеңешинин кезектеги сессиясы орун алат. Шаардык мэриядан кабарлашкандай, анда шаардагы базарлардын, коомдук тамак-аш сатуучу жайлардын, санитардык-эпидемиологиялык, ветеринардык кызматтарынын абалы, Жалал-Абад шаардык мэриясынын алдындагы "Аялдар координациялык кеңешин түзүү жана жобосун" бекитүү, шаардагы жаңы көчөлөргө ысым ыйгаруу, Жалал-Абад шаарынын муниципалдык менчигине объектини кабыл алуу жана муниципалдык менчигиндеги кээ бир мүлктөрүн оперативдүү башкарууга өткөрүп берүү, Жалал-Абад шаардык мэриясынын "Жалал-Абад шаарынын аймактарын көрктөндүрүү жана жашылдандыруу боюнча жобосун" бекитүү, Жалал-Абад шаарынын аймагындагы муниципалдык менчикте турган турак жай эмес имараттардын ижара акысын бекитүү сыяктуу маселелер каралат.