Шашылыш билдирүү! Тоолуу райондордо кар, айрым жерлерде жаан-чачын катуу жаашы күтүлөт

2015-жылдын 15-16-апрелинде аба ырайынын кескин өзгөрүлүшү күтүлөт. Бул тууралуу 14-апрелде Өзгөчө кырдаалдар министрлигинин маалымат кызматынан билдиришти. Маалым болгондой, өлкө боюнча мезгил-мезгили менен жаан жаап, тоолуу райондордо кар, айрым жерлерде жаан-чачын катуу жаашы күтүлөт.

Кээ бир райондордо батыштан соккон шамалдын ылдамдыгы секундасына 17-22 метрге чейин жетет. Абанын температурасы Чүй, Талас облустарынын дыйканчылык аймактарында түнкүсүн 2…7°С, күндүз 8…13°С жылуулукка чейин, Ош, Жалал-Абад, Баткен облустарынын дыйканчылык аймактарында түнкүсүн 3…8°С, күндүз 11…16°С жылуулукка чейин төмөндөйт.

17-18-апрелде Талас, Кемин өрөөндөрүндө, Чүй облусунун тоо этектеринде, айрым жерлерде 0…-2°Сга чейин үшүк, Ысык-Көл ойдуңунун чыгышында -2…-4°Сга чейин үшүк жүрүшү күтүлөт

Мындай жаан-чачындуу аба ырайы айыл чарба иштерин, автоунаа, энергетика жана коммуналдык кызматтардын ишин жана кыштоо жайыттарда малды кармоону кыйындатат. Мындай үшүк жемиш бактарынын гүлдөрүнө коркунучтуу.