Жалал-Абад. 2015-жылдын алгачкы 3 айында шаарда санитардык эрежелер сакталбаганы үчүн 15 жетекчиге 15 миң сомдон айып салынды

Жалал-Абад шаарындагы базарлардын, коомдук тамак-аш сатуучу мекемелердин, санитардык-эпидемиологиялык, ветеринардык кызматтардын абалы боюнча атайын комиссия түзүлүп, текшерүү жүргүзүлгөн. 2015-жылдын биринчи кварталында 127 объект текшерилип, алардын катарында 81 жеке менчик ишкердик объект, 18 орто мектеп, 20 бала бакча болгон. Текшерүүнүн жыйынтыгы боюнча 17 санитардык көрсөтмө даярдалып, ишкана жетекчилерине берилди. Ошондой эле санитардык талаптарга жооп бербегендиги үчүн 15 жетекчиге 15 500 сомдон айып салынды жана 11 объект оңдоо иштери үчүн жабылды. Мындан сырткары текшерүүгө 202 азык-түлүк түрү алынып иликтенген жана баары санитардык талаптарга жооп берери аныкталган.

Шаардык мэриядан кабарлашкандай, текшерүү учурунда сертификаты, формасы, документи жок тез тамактануучу жайларга жана көчөдө тамак-аш саткандарга тыюу салынды.