Баткендин чек арага жакын жайгашкан айылдарына гуманитардык жардам берилди

Баткен облусундагы Чарбак жана Бөжөй айылдарына гуманитардык жардам жеткирилди. Бул тууралуу Билим берүү министрлигинин басма сөз кызматы билдирди. Жеткирилген жардамдын суммасы 250 миң сомду түзүп, чек ара жаңжалынан жабыркаган айыл тургундарына азык-түлүк, чоңдор жана балдар үчүн кийимдер, күнүмдүк турмушка керектүү каражаттар берилди. Мындан сырткары аталган айылдардагы мектептерге да акчалай жардам жана компьютерлер берилди.