Бишкекте Ленинград блокадачыларын эскерүүгө багытталган акция старт алды

Бүгүн, 14-апрелде Ленинград блокадачыларынын эстелигинин алдында “Эскерүү маршруту” аттуу акциянын башталышына карата митинг-реквием болуп өттү. Мэриядан кабарлашкандай, ага Октябрь райондук администрациясынын башчысы Болот Алымкулов, анын орун басары Жамал Мамытова, Орусиянын Кыргыз Республикасындагы элчиси Андрей Крутько, Ленинград блокадачылар коомунун төрайымы Анна Кутанова, Ленинград блокадачылары жана согуштун ардагерлери, №13-мектеп-лицейинин окуучулары катышышты.

Анда согуш маалында эвакуацияланган Ленинграддын тургундары жана жаш балдар үчүн кыргыз жери алар үчүн ыйык жер болуп калганы белгиленди. Ленинград блокадачыларын эскерүүгө багытталган акциянын алкагында катышуучулар Ысык-Көл облусунун шаарларында болуп, ооруктун ардагерлерине ыраазычылык билдиришет. Ошондой эле концерттик программа жана балдар үйүнө белектерди тапшыруу иштери да каралган.