Куткаруучуларды даярдоо борборунда учурда 70 мөөнөттүү аскер кызмат өтөөдө

КРнын Өзгөчө кырдаалдар министрлигинин Куткаруучуларды даярдоо борборунда учурда 70 мөөнөттүү жоокер кызмат өтөөдө. Бул тууралуу бүгүн, 14-апрелде мекеменин басма сөз кызматынан кабарлашты. 

Маалым болгондой, аталган борбордо жоокерлерге практикалык жана теориялык жактан даярдык көрүлөт. Куткаруучуларды даярдоо борборунда Кыргыз-Орус Славян университетинин өзгөчө кырдаалдарга куткаруучуларды даярдоо кафедрасынын студенттери да окушат. Мекеме өлкөнүн түндүгү боюнча аскердик даярдык боюнча эң чоң борбор болуп эсептелинет. Ошондой эле өлкө куткаруучулары Казакстанда өтө турган “Казспас” аттуу КМШ өлкөлөрү арасындагы машыгуу жана семинарга даярдык көрүшүүдө.