Өзгөндө милиция кызматкери 42 жаштагы аялды тапанча менен тамакка жана өзүн башка аткан

Өзгөн районунда милиция кызматкери 42 жаштагы аялды тапанча менен тамакка жана өзүн башка аткан. Бул тууралуу бүгүн, 14-апрелде Ош облустук ички иштер башкармалыгынан билдиришти.

Маалыматка караганда, күзөт кызматында иштеген 1993-жылы туулган жаран 12-апрель күнү саат 16:10 чамасында аталган райондун Мырзаке айылындагы үйүнүн жанында коңшу жашаган аялга ок чыгарып, андан соң өзүн башка аткан. Мындан улам алар ооруканага жеткирилген. Бирок ошол күнү кечинде жабыркаган сержант каза тапкан. Дарыгерлердин айтымында, аялдын өмүрүнө коркунуч жок. 

Алгачкы жүргүзүлгөн тергөө амалдары боюнча милиция кызматкеринин мындай ишке баруусуна өз ара начар мамиле себеп болгон. Учурда бул факт боюнча кылмыш иши козголуп, тергөө амалдары жүрүп жатат.