Кувейт өлкөсү кыргыз өлкөсүнө 190 миллион сомдук медициналык жардам көрсөтөт

Кыргыз жергесине Кувейт өлкөсүнөн 190 миллион сомдук медициналык жабдыктар жардам катары келет. Бул тууралуу бүгүн маалымат жыйында “Ас-Салам” гуманитардык фондунун директору Нурмухамед Миңбаев билдирди. Анын айтымында, аталган фонд Кувейт менен достук мамиле түзүп, 30 миң тонналык жабдыктарды алып келет.

“Медициналык жабдыктардын арасында УЗИ, рентген, гемодиализ, томография жана башка эң керектүү медициналык аппараттар бар. Бул гуманитардык жүк 20-апрель күнү кыргыз өлкөсүнө алынып келет. Алар КРнын Өкмөтүнө тапшырылат. Ал эми өкмөт ылайыгына жараша зарыл болгон медициналык мекемелерге бөлүштүрүп берет. Алар орто жолдон сатылып, башка чөнтөктөргө кетип калбаш үчүн өкмөт атайын комиссия түзүп, жабдыктардын керектүү жерлерге бөлүштүрүлүшүн көзөмөлдөйт”,- деди Миңбаев.