Бишкек шаардык “Тез жардам” кызматына суицид боюнча жыл башынан бери 179 чакыруу түшкөн

Бишкек шаардык “Тез жардам” борборунун маалыматы боюнча, үстүбүздөгү жылдын 1-январынан бери аталган мекемеге өз өмүрүнө кол салуу боюнча 179 чакыруу түшкөн. Анын ичинен 5 жаран асынып, бирөөсү каза тапкан. Дары ичип өз өмүрүнө кол салган 79 факт катталып (анын 15и өспүрүмдөр), 1 жаран көз жумган. Ал эми көп кабаттуу үйлөрдөн боюн таштагандар 22 болсо, анын экөөсү мерт болгон. Өзүнө өзү бычак сайган 79 окуя катталып, бактыга жараша, "Тез жардам" кызматкерлери баарынын өмүрүн сактап калганга үлгүргөн.