Жалал-Абад. Улуу Жеңиштин 70 жылдыгына карата марафон өтүп жатат

Бүгүн, 15-апрелде Жалал-Абад шаарындагы Барпы театрында “1941-1945-жылдарда Ата Мекенди коргоочулар түбөлүк эсте калсын” аттуу марафон болууда. Иш-чара мэриянын, шаардык кеңештин депутаттарынын демилгеси менен уюштурулуп, шаардык бийлик өкүлдөрү, калаада жайгашкан бардык мекеме-ишканалардын жамааттары, тургундар катышып, өз салымдарын кошушууда. 

Мэриядан кабарлашкандай, 9-Май - Улуу Жеңиштин 70 жылдык мааракесине карата мекеме-ишканалар жамааттарынын көңүлдөрүнөн чыккан акча каражаттарын урнага салышты.

Белгилей кетсек, Жалал-Абад шаарынан 10 миң жоокер согушка кетип, алардын 5124ү кайтып келген. Өткөн жылы ушул убакта 43 ардагер болсо, ал эми азыркы учурда шаар боюнча 17 согуштун катышуучусу жана 16 оорукта эмгектенген ардагер бар.