Өкмөт Ысык-Көл биргелешкен ооруканасынын "Ак-Суу" реабилитациялык бөлүмүнө автоунаа берди

15-февралда вице-премьер-министр Камила Талиева Ысык-Көл облустук биргелешкен ооруканасынын “Ак-Суу” реабилитациялык бөлүмүнүн капиталдык оңдоодон кийинки салтанаттуу ачылышына катышты. Өкмөттүн басма сөз кызматы билдиргендей, аталган мекемеде оор нерв оорулары менен жабыркаган балдарга жардам көрсөтүлөт. Бөлүмдү оңдоого Ысык-Көл облусунун өнүктүрүү фондунан 2011-2012-жылдары 41 миллион сом бөлүнгөн. Мындан сырткары кайрымдуулук марафону өткөрүлүп, 2 миллион 300 миң сом чогултулган. Жалпы 5 миллион 600 миң сомго медициналык жабдыктар алынды. Камила Талиева мамлекет башчысы койгон тапшырма өз мөөнөтүндө толугу менен аткарылганын белгилеп, өкмөттүн атынан медициналык автоунаа тапшырды.