Ички иштер министрлиги: "Камила Дүйшөбаеванын өлүмү боюнча кылмыш иши токтотулган жок"

"Камила Дүйшөбаеванын өлүмү боюнча кылмыш иши токтотулган жок". Бул тууралуу бүгүн, 15-апрелде Ички иштер министрлигинин басма сөз кызматы билдирди.

Министрликтин маалыматында, кылмыш иши акыры ачылары жана тергөө иштери уланып, 500гө жакын күбө суралганы айтылган.

Кечээ Чүй облустук ички иштер башкы башкармалыгынын басма сөз кызматы Камиланын өлүмү боюнча козголгон кылмыш иши шектүүнүн аныкталбагандыгына байланыштуу токтотулганын билдирген. Ал эми Ички иштер министрлиги ал маалымат туура эмес кетип калганын айтты.

Эскерте кетсек, 2014-жылдын 10-мартында 19 жаштагы студент Камила Дүйшөбаева Бишкектеги Достук кичи районундагы үйүнөн эртең менен чыгып, ошол боюнча кайрылып келген эмес. Туура бир жумадан соң, 17-мартта анын сөөгү Байтик айылынын чекесинен табылган.