Абактагы аялдарга жана жашы жетпегендерге мунапыс берүү жөнүндө мыйзам долбоору экинчи окууда жактырылды

Бүгүн, 15-апрелде Жогорку Кеңеш “Аялдарга жана жашы жетпегендерге мунапыс берүү жөнүндө” мыйзам долбоорун экинчи окууда жактырды.

Демилгечилердин айтымында, мунапыс жарыялоо социалдык жактан негизделген жараян болуп саналгандыктан, эрезеге жете элек балдарга, жаш балдары бар аялдарга, кош бойлуу аялдарга, 55 жаштан өткөн улгайган аялдарга карата мунапыс берүү сунуш кылынууда.

Долбоорго ылайык, өтө оор кылмыш жасабаган 901 адамды (827си аял, 74ү жашы жете элек жарандар) абактан бошотуу пландалууда.