Казакстандагы жол кырсыгынан 15 кыргыз жараны каза таап, төртөө жабыркаган

Казакстандагы жол кырсыгынан 15 кыргыз жараны каза таап, төртөө жабыркаган. Бул тууралуу бүгүн, 20-апрелде ӨКМнын басма сөз кызматы билдирди.

Маалыматка караганда, жол кырсыгы 19-апрель күнү саат 09:47 чамасында Жамбыл облусунун Моюнкум районунда болгон. Анда Мерседес-Бенц Спринтер үлгүсүндөгү унаа менен Газель-2705 үлгүсүндөгү унаа сүзүшкөн. Алдын ала алынган маалымат боюнча, кырсыктын кесепетинен Мерседес-Бенц Спринтер унаасындагы 15 адам каза болуп, 4 адам оор жаракат алган. Каза болгондор Балхаш шаарындагы өлүк сактоочу жайга, ал эми жабыркагандар Приозёрск жана Балхаш шаардык ооруканаларына жеткирилген. Каза болгондор жана жаракат алгандар Кыргыз Республикасынын жарандары.

Алдын ала алынган маалыматтар боюнча, Кыргыз Республикасынын каза болгон жарандарынын тизмеси:

1.Оринбаев Аббас, 2008-жылы туулган;

2.Оринбаев Аброриддин, 2006-жылы туулган;

3.Оринбаева Хадичахон, 2003-жылы туулган;

4.Оринбаева Гавхарай, 1981-жылы туулган;

5.Оринбаева Мавжуда Хамидовна, 1953-жылы туулган,

6.Арыскулов Эрлан, 1992-жылы туулган, Нарын облусунун Ак-Талаа районунун Баетов айылынын тургуну;

7.Амираев Махамаджан, 1974-жылы туулган, Баткен облусунун Баткен районундагы Самаркандек айылынын тургуну;

8.Сартмамбетов Мукамбет Сейдалиевич, 1982-жылы туулган, Ош облусунун Кара-Кулжа районунун Көк-Арт айылынын тургуну;

9.Эрашиев Абдисамат Токтасинович, 1974-жылы туулган;

10.Сайкоев Максатбек, 1985-жылы туулган (ооруканада каза болгон);

11.Журабаев Бахтияр, 1987-жылы тулган, Ош шаарынын жашоочусу;

12.Абдуллаев Жыргалбек, 1983-жылы туулган, Ош облусунун Кара-Суу районунун Бек-Жар айылынын тургуну.

Каза болгондордун калгандарынын аты-жөнү такталууда.

Жабыркап, ооруканага жеткирилгендердин тизмеси:

1.Майрамбек уулу Самат, 1993-жылы туулган, Нарын облусунун Ак-Талаа районунун Баетов айылынын тургуну;

2.Сейитбеков Тайырбек, 1971-жылы туулган, жашаган жери тактала элек;

3.Дарбешов Рустамбек, 1993-жылы туулган, Баткен облусунун Баткен районунун Кызыл-Бел айылынын тургуну;

4.Токторбаев Темирлан, 1993-жылы туулган, Жалал-Абад облусунун Сузак районунун Кара-Алма айылынын тургуну.