Орто билимдүү медицина кызматкерлери врачтардын ордуна иштеп калган учурлар болууда

Өлкөнүн кээ бир аймактарында орто билимдүү медицина кызматкерлери врачтардын ордуна иштеп калган учурлар болууда. Бул тууралуу бүгүн, 20-апрелде маалымат жыйынында КРнын Саламаттыкты сактоо министрлигинин консультанты Бермет Барыктабасова билдирди. Анын айтымында, райондук дарыгерлик пункттарда медицина адистеринин аздыгынан башкы дарыгер менен эле санитар калган учурлар болууда.

“Биздин жогорку билимдүү дарыгерлердин көбү Бишкекте иштешет. Айта кетсек, бүгүнкү күндө өлкөдө 12 миң дарыгер, 40 миң орто билимдүү медицина кызматкери бар. Ошондой эле 2 миң пункт, 20 оорукана, 1000ге жакын ФАП бар. Мындай караганда кыргыз мамлекетинде медиктердин саны анын калкына туура эле келет. Бирок айылдарда жаш адистер жокко эсе. Аймактарда пенсияга чыга турган дарыгерлер эле калган”,- деди Барыктабасова.