Аламүдүн районунда унааны уурдоого шектүү колго түшүрүлдү

Үстүбүздөгү жылдын сентябрь айында ВАЗ-21099 унаасын уурдоого шектүү адам кармалганын Чүй облустук БИИБи билдирди. Окуя болгондон 1 ай убакыт өткөндөн кийин, ноябрь айынын башында Аламүдүн райондук күзөт кызматына  жергиликтүү тургун машинасы уурдалып кеткени тууралуу арыз менен кайрылган. Арыздын негизинде иликтөө иштери жүрүп, аталган кылмышка шектүү деп 29 жаштагы жаран кармалып, учурда тергөө иштери жүрүүдө.