Казакстандагы жол кырсыгынан улам каза тапкан дагы эки кыргыз жаранынын сөөктөрүн алып келүү иштери жүрүүдө

Казакстандагы жол кырсыгынан улам каза тапкан дагы эки кыргыз жаранынын сөөктөрүн алып келүү иштери жүрүүдө. Бул тууралуу бүгүн, 22-апрелде ӨКМнын басма сөз кызматы билдирди.

Маалыматка караганда, 1982-жылы туулган Сартмамбетов Мукамбет Сейдалиевичтин агасы жана 1985-жылы туулган Сойкоев Максатбек Бекмуратовичтин апасы Казакстан Республикасынын Балхаш шаарына барышып, каза болгондорду таанышкан.

Айта кетсек, 19-апрель күнү саат 09:47 чамасында Жамбыл облусунун Моюнкум районунда жол кырсыгы болуп, анын кесепетинен 15 кыргыз жараны каза таап, төртөө жабыркаган. Анда Мерседес-Бенц Спринтер унаасы менен Газель-2705 үлгүсүндөгү унаа сүзүшкөн. Биринчи унаанын ичинде 19 кыргыз жараны болгон.

Буга чейин жол кырсыгынан каза тапкан Оринбаев Аббас (2008-жылы туулган), Оринбаев Аброриддин (2006-жылы туулган), Оринбаева Хадичахон (2003-жылы туулган), Оринбаева Гавхарай(1981-жылы туулган), Оринбаева Мавжуданын (1953-жылы туулган) жана 1993-жылы туулган Рустамбек Дарбешовдун сөөктөрү алынып келинген.