Жоомарт Оторбаев: "Мен бүгүн кызматтан кетем"

Өкмөт башчы Жоомарт Оторбаев бүгүн, 23-апрелде кызматтан кете турганын парламенттин жалпы жыйынында билдирип чыкты. Ал жыйында депутаттарга ыраазычылыгын айтып: "Мен колумдан келишинче иштеп бердим, бүгүн өз арызымды жазып, кызматымды бошотуп берем. Менин бул чечимим Жогорку Кеңештеги коалициялык көпчүлүктүн чечкиндүү өкмөт башчыны тандап алуусуна мүмкүнчүлүк берет деп ойлойм. Биздин өлкөдө татыктуу адамдар бар, керек болсо сиздердин араңыздарда да бар. Мен мамлекетибиздин өнүгүп кетүүсүн жашоомдо тилек кылам",- деди.