Табылды Акеров: "Өкмөт дайыма парламентке отчёт берип турушу керек"

"Өкмөт дайыма парламентке отчёт берип турушу керек. Жоомарт Оторбаев өзү кетип жатып отчётун берип, аткарылган иштерин толук айтып берди". Бул тууралуу бүгүн, 23-апрелде саясат таануучу, тарых илимдеринин кандидаты Табылды Акеров билдирди.

"Премьердин отчётунун болгону жакшы, себеби кийинки премьер өзүнүн иш планын ошого жараша түзөт. Эң кыйын участокторду оңдоого аракет кылат. Көңүл бурулбай келген тармактарга көңүл бурулат”,- деп кошумчалады Т.Акеров.

Эске салсак, бүгүн өкмөт башчы Жоомарт Оторбаев өз каалоосу менен кызматтан кетери тууралуу арыз жазарын билдирди. Ал 5-чакырылышта иштеген төрт өкмөт башчысынан айырмаланып, биринчи жолу Жогорку Кеңештин жана элдин алдында отчётун берип, андан соң кызматтан кетерин жарыялады.
“Ата Мекен” партиясынын мүчөсү Жоомарт Оторбаев баштаган өкмөт былтыр апрель айында дайындалган болчу.

жаңыланды 18:41 24-04-2015
кошулду 18:27 23-04-2015

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.

“Көз караш”, “Эмгек жарчысы”, "Бизнес-Инфо" рубрикаларында чыккан материалдардын маани-маңызы үчүн интернет-порталдын администрациясы жооп бербейт. Жарнамалык материалдардын маңызы үчүн жарнама берүүчү өзү жоопкер.

Рубрикадагы соңку кабарлар