Сот Камчыбек Ташиевдин жактоочусунун өтүнүчүн орундатты

Бүгүн,19-февралда депутаттар Камчыбек Ташиев, Садыр Жапаров жана Талант Мамытов боюнча сот иши уланууда. Ташиевдин жактоочусу Икрамидин Айткулов Башкы прокурор Аида Салянованын «Кумтөрдүн» 1 миллиард 359 миллион сом карызын негизсиз түрдө жокко чыгаргандыгы тууралуу корутундуну кылмыш ишине тиркеп коюуну өтүндү. Ал эми депутат Садыр Жапаров: «Бул маселени мага кылмыш иши козголордон 6 ай мурун көтөрүп чыккам, ошондуктан Аида Салянова мага өчөшүп жатат. Бул корутунду сөзсүз түрдө кылмыш ишине тиркелиши керек»,- деди. Бул өтүнүчтү сот ишине төрагалык кылуучу Адылбек Субанкулов канааттандырды.