Депутат Курманбек Дыйканбаев "ата журтчу" депутаттар боюнча өтүп жаткан сотто күбө катары суралды

Депутаттар Камчыбек Ташиев, Садыр Жапаров жана Талант Мамытов боюнча өтүп жаткан сотто ЖКнын депутаты Курманбек Дыйканбаев күбө катары суралды. Анда «кылым карыткан мөңгүлөр ыйлап турганын өз көзүм менен көрдүм. Ошондуктан "Кумтөрдүн" башчысы маалымат бербей, ушунча жыл өз билемдик кылып келгендерин айтып 3-октябрда митингде сүйлөгөм» деди депутат. Ал митинг учурунда эч кандай агрессия көрбөгөнүн айтты. Ошондой эле 3-октябрь күнү эртең менен ЖКнын жыйынында Камчыбек Ташиев "Кумтөр" боюнча маселени кайра көтөрүү сунушун айтканын тастыктады жана Садыр Жапаров ага митингге катышып берүү өтүнүчү менен кайрылбаганын билдирди Дыйканбаев.