Ош. Мектеп окуучуларынын кезектеги спартакиадасында алдынкы орунду ээлегендер сыйланышты

Бүгүн, 29-апрелде Ош шаардык билим берүү башкармалыгынын коллегиясында мектеп окуучуларынын кезектеги 69-спартакиадасында алдынкы орунду алган окуучулар сыйланып, аталган башкармалыктын дипломдору жана баалуу белектери берилди.

Спартакиадага 5-11-класстын жалпы 3 миң окуучусу катышты. Ак-Бууранын оң тарабында жайгашкан мектептердин ичинен Макаренко атындагы №6-мектеп, сол тарабы боюнча №20-мектеп, Кеңеш аймагы боюнча №36-мектеп жана Амир-Темир аймагы боюнча №47-мектептин окуучулары 1-орунду багындырышкан.

Спартакиада 2015-жылдын 10-февралынан 15-апрелине чейин өтүп, катышуучулар спорттун 6 түрү боюнча (шахмат, тогуз коргоол, ордо, волейбол, гимнастика жана жеңил атлетика ) күч сынашкан.