Өмүрбек Текебаев: "Жаңы өкмөттө чоң өзгөрүүлөр болбойт, Жоомарт Оторбаевдин программасы улантылат"

"Жаңы өкмөттө чоң өзгөрүүлөр болбойт, Жоомарт Оторбаевдин программасы улантылат",- деп билдирди депутат Өмүрбек Текебаев 30-апрелде журналисттердин суроолоруна жооп берип жатып.

Анын айтымында, жаңы өкмөт бош болгон орундарды гана толуктайт. "Жакынкы жарым жыл ичинде парламент депутаттары шайлоого даярданышат. Ошондуктан өкмөттүн ишине катуу киришпейт. Мындан улам премьер-министрликке талапкер Темир Сариевге ыңгайлуу шарттар түзүлүп, маанилүү реформаларды баштоого мүмкүнчүлүктөр берилет",- деди Текебаев.