Темир Сариев: "Өкмөткө парламенттик шайлоону таза, калыс, ачык-айкын өткөрүү милдети коюлду"

Өкмөткө парламенттик шайлоону таза, калыс, ачык-айкын өткөрүү милдети коюлду. Бул тууралуу бүгүн, 30-апрелде Жогорку Кеңештин жыйынында премьер-министрликке талапкер Темир Сариев билдирди.

Анын айтымында, 2011-жылы президенттик шайлоо тынчтык жолу менен өтүп, ага чейинки шайлоолор элде нааразычылыктарды жаратып келген. "Эгер келерки шайлоо тынч өтсө, жыйынтыгын эл тааныса, утулган партия, уткан партия да тааныса, кийинки беш жыл ичинде парламент да пайдалуу иштейт, ачык-айкындуулук да болот",- деди Сариев.