Супер-Инфо
super.kg видео
ЭЛДИК КАБАР: Бишкекте 274 сом карызы үчүн абоненттин жарыгы өчүрүлдү
Бишкекте 274 сом карызы үчүн абоненттин жарыгы өчүрүлдү. Бул тууралуу бүгүн, 30-апрелде окурманыбыз WhatsApp (+996 557 47-39-39) аркылуу SUPER.KG порталына билдирди.
Окурмандын айтымында, ага 20-марттан 20-апрелге чейинки 274 сомдук карызы үчүн электр энергияга туташкан зымын “Түндүк электр” ишканасынын кызматкери кесип кеткен.
“Ушундай акча үчүн кескен туура эмес болуш керек” деп байланыш номерлерине чалсам, 70 сом карыз үчүн да бул ишкана колдонуучуларды жарыксыз калтырууга укуктары бар экенин жана бул кыркылган электр энергиясын жандыруу үчүн мен дагы арыз жазып, 80 сом айып пул төлөшүм керектигин, анан качан күйөрү белгисиз экенин айтышты. Миңдеген карыздары бар заңгыраган үйлөрдүн жарыгын өчүргөндүн ордуна, “өчүрдүк” деген планын карапайым эл аркылуу ушинтип толтурушат тура”,- дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
4
мамлекет кызматкерлери да ыйман, ынсаптан алыстап кетишти го
Кемсинтип, мазактаган билдирүүлөрдү жазууга тыюу салынат.
Провокация жарата турган билдирүүлөргө жол берилбейт.