Ош. 8 мектептин окуучуларынын катышуусунда спорттук мелдештер уюштурулду

Бүгүн, 30-апрелде Ош шаардык билим берүү башкармалыгына караштуу №30-мектепте Ооган согушунун баатыры Абдураим Алиевдин жаркын элесине арналып спорттун түрлөрү боюнча мектептер арасында мелдеш болуп өттү. Аталган башкармалыктан кабарлашкандай, иш-чаранын ачылышында Ош шаарынын
вице-мэри Ильичбек Эргешов сөз сүйлөп, Улуу Жеңиштин 70 жылдыгы менен куттуктап, Ата Мекен үчүн канын төккөн ардагерлерди унутпай эскерип жүрүүгө чакырды.

А.Алиевдин эстелигине гүл коюлуп, 1 мүнөттүк эскерүү болду. Спорттук мелдешке шаардагы 8 мектептин окуучуларынан түзүлгөн командалар катышып, футбол, волейбол жана шахмат боюнча күч сынашты. Жеңүүчү командага А.Алиев атындагы өтмө кубок, спорттук кийимдер, топтор жана акчалай сыйлыктар тапшырылды.