Жогорку Кеңеш Токтогул ГЭСинин жабдууларын жаңылоого багытталган мыйзам кабыл алды

Бүгүн, 30-апрелде Жогорку Кеңеште Кыргыз Республикасы менен Азия өнүктүрүү банкынын ортосундагы "Токтогул ГЭСин калыбына келтирүүнүн II фазасы" долбоорун каржылоо жөнүндө" ратификациялык мыйзамдын долбоору 3 окууда кабыл алынды.

Демилгечилердин айтымында, бул долбоор Кыргыз Республикасынын энергетикалык көз карандысыздыгына карай жасалган кадамдардын бири. Анткени долбоордун алкагында Токтогул ГЭСинин жабдууларын жаңыртуудан тышкары өлкөнүн энергетика тармагын андан ары өнүктүрүү жаатында бир катар документтердин долбоору иштелип чыгат.

Документ президенттин кол коюусуна жиберилет.