Социалдык өнүктүрүү министрлигинде ишеним телефону иштей баштады

КРнын Социалдык өнүктүрүү министрлигинде ишеним телефону иштей баштады. Бул тууралуу аталган министрликтин басма сөз кызматы билдирет. Эми карапайым калк ишемби жана жекшемби күндөрдөн сырткары саат 9:00дөн 14:00гө чейин (0312) 66-01-07 телефон номери аркылуу өздөрүнүн сунушун, сын-пикирин жана арызын министрликтин дарегине түз жеткире алышат. Ошондой эле Социалдык өнүктүрүү министри Кылычбек Султанов аптанын шейшемби күндөрү саат 10:00дөн 12:00гө чейин жарандарды кабыл алып турмакчы. Ал эми министрдин орун басары жана статс-катчысы иш күндөрү саат 10:00дөн 17:00гө чейин кабыл алышат.