"7-апрелде Ак үйдүн үстүнөн снайперлерди көргөм" дейт жабырланучу Данияр Абакиров

“7-апрелде Ак үйдүн 5-6-7-кабаттарынын терезелери ачылып турду. Ал эми Ак үйдүн үстүндө 5-6 адамды снайпер менен жүргөнүн көрдүм. Ал эми карапайым калктын колунда эч кандай курал-жарак жок болчу. Биз ал убакта элдерди тынчтыкка чакырууга аракет кылып жүрдүк”. Бул маалыматты бүгүн, 19-февралда 7-апрель окуясынан жабыр тарткан Данияр Абакиров соттук отурумда билдирди. Айта кетсек, учурда аталган окуяга катыштыгы бар жарандар суракка алынууда.