Ысык-Көлдөгү 4-Эл аралык марафондо алгачкы жолу кыргыз спортчусу алтын медаль тагынды

Бүгүн, 2-майда Ысык-Көлдүн Боз-Тери айылында “Run the Silk Road” деген аталышта 4-Эл аралык марафон өтүп, баш байгени кыргыз спортчусу Аман Момуналиев утуп алды. Анда жалпысынан 42 чакырым 195 метр аралыкка, 21 чакырым 97 метр аралыкка, 10 чакырым аралыкка, 5 чакырым аралыкка чуркоодо медалдар ойнотулду. 

Аман Момуналиев 42 чакырым 195 метр аралыкка чуркап, атаандаштарынан чоң айырмачылыкта мара сызыгын кесип өттү. Төртүнчү ирет өтүп жаткан мелдеште кыргыз спортчулары алгачкы жолу 42 чакырым 195 метр аралыкты биринчи болуп багынтышты. Буга чейин жеңишти чет өлкөлөрдөн келген спортчулар камсыздап келишкен.