Бишкекте “Кыргыз жергесинин мырзасы-2015” сынагы өтүүдө (фото)

Бүгүн, 2-майда Бишкектеги Кожомкул атындагы Спорт Ордосунда “Кыргыз жергесинин мырзасы-2015” сынагы өтүүдө. Ага 16 жаштан 27 жашка чейинки 37 жигит катышып жатат. Сынакта жигиттер өзүн тааныштырып, талантын тартуулап, мырзалардын биргелешкен бийин, ошондой эле көл сезонунда кийчү кийимдерди көрсөтүшөт. 

1-орунду алган мырза Нью-Йоркто өтчү “Дүйнө мырзасы-2015” сынагына катышууга жолдомого ээ болот. 2-орунга татыган жигит Түркияга бир жумалык эс алууга мүмкүнчүлүк алат. Ал эми 3-орундун ээсине Ысык-Көлгө жолдомо берилет. Муну менен катар кошумча номинациялар боюнча жеңүүчү аталган жигиттерди демөөрчүлөр тарабынан даярдалган атайын белектер күтүүдө.