Бишкектин Жол-кайгуул кызматындагы бош орундарга талапкерлер 20-майга чейин документтерин тапшыра алышат (тизме)

Бишкек ШИИББинин Жол-кайгуул кызматындагы бош орундарга сынак жарыяланды. Бул тууралуу 5-майда мекеменин басма сөз кызматы жарыялады.

Маалым болгондой, жалпысынан 6 бош орун бар. 

Алар:

1. Жол-кайгуул бөлүмүнүн башчысы; 
2. Нөөмөт бөлүмүнүн башчысы;
3. Издөө бөлүмүнүн ага инспектору;
4. Издөө бөлүмүнүн инспектору;
5. 6-взводдун ага инспектору;
6. Нөөмөт бөлүмүнүн ага инспектор-нөөмөтчүсү.

Документтерди кабыл алуу 20-майга чейин созулат. Андан соң 7 жумушчу күндүн ичинде ЖККнын кадрлар бөлүмү документтер менен иштейт. Мындан кийин талапкерлерге сынактын кийинки этабынын күнү жарыяланат.

Талапкерлерге төмөнкү талаптар коюлат:

1. Юриспрунденция, укук таануу, жол кыймылынын коопсуздугун камсыз кылуу, транспорт боюнча жогорку билим;

2. "А", "А1", "В", "В1", "С", "С1" категориялары бар болгон айдоочулук көбүлүгү; 

3. Кенже жана жетекчи курамында бир жылдан кем эмес жана кесип боюнча 3 жылдан кем эмес жумушчу стажы.

Сынакта алар физикалык даярдык боюнча нормативдерди тапшыруу, жазуу түрүндөгү тестирлөө жана аңгемелешүүдөн өтүшөт.