Бишкекте экинчи жыл катары менен “Түбөлүк полк” акциясынын алкагында жүрүш өттү

Бүгүн, 5-майда Бишкекте экинчи жыл катары менен “Түбөлүк полк” акциясынын алкагында жүрүш өттү. Бул тууралуу шаардык мэриянын басма сөз кызматынан билдиришти. 

Маалым болгондой, Улуу Ата Мекендик согушта курман болгондорду эскерүү жүрүшү борбордун Абдрахманов көчөсү менен Жантөшев көчөсүнөн Дайыр Асанов атындагы "Жеңиш" сейил багына чейин өттү. Ага Улуу Ата Мекендик согуштун ардагерлери, Жогорку Кеңештин жана шаардык кеңештин депутаттары, шаар мэри Кубанычбек Кулматов, шаардык муниципалдык ишканалардын кызматкерлери, студенттер жана окуучулар катышты. “Түбөлүк полк” акциясынын алкагында өткөрүлгөн жүрүш Бишкек шаардык кеңешинин уюштуруусу менен ишке ашты. Салтанаттуу жүрүш музыкалык ансамблдердин жана бий топторунун катышуусунда концерттик программа менен аяктады.