ЭЛДИК КАБАР: Баткенде ашар жолу менен 30 чакырым сугат каналы тазаланды

Баткен облусунун Самаркандек, Ак-Сай, Ак-Татыр, Кара-Бак айыл округдарында сугат суу каналдары ашар ыкмасы менен тазаланды. Ашар 30-апрелден 3-майга чейин болуп, ага жүздөгөн жергиликтүү тургундар катышты. Бул тууралуу 6-майда окурман WhatsApp (+996 557 47-39-39) аркылуу SUPER.KG порталына билдирди. "Ашарга 30га жакын менчик техника катышты. Райондук администрация жана айыл өкмөттөрү элдик демилгени колдоп, катышуучулардын тамак-ашына, техникаларды күйүүчү май менен камсыз кылууга салым кошушту. Самаркандек аймагында 17, Кара-Бакта 15 чакырым канал тазаланып, оңдолду",- деп билдирет окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.