ЭЛДИК КАБАР: Жал кичи районунда курулуш жүрүп жаткан аймактан жаш балдардын өтүүсү кооптуу болууда

Бишкектеги Жал кичи районунда көп кабаттуу турак үй курулуп жаткан аймактан жаш балдардын өтүүсү кооптуу болууда. Бул тууралуу 6-майда окурман WhatsApp (+996 557 47-39-39) аркылуу SUPER.KG порталына билдирди.

Анын айтымында, курулуш компаниясы курулуш аймагын туура эмес тосуп алган. "Биринчиден, адам өтчү көчөнүн жарымын тосуп алышкан болсо, экинчиден, тосмосунун асты жагы ачылып калган. Ал жерден жаш балдарды алып өтүүдөн жана аларды жалгыз калтыруудан коркуп жатабыз. Жаш балдар кокус ал жерден түшүп кетсе эмне болот? Буга Бишкек мэриясы чара көрүүсү керек",- деди окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.