Супер-Инфо
super.kg видео
Кыргыз футболчулары Өзбекстандын олимпиадалык курамасы менен 2:2 эсебинде тең ойношту
Өлкөнүн 23 жашка чейинки футболчулардан түзүлгөн олимпиадалык курамасы жаштар арасындагы Азия биринчилигинин тандап алуу туруна даярдыгын улантууда. Ташкент шаарында даярдык көрүп жаткан футболчуларыбыз кечээ, 6-майда Өзбекстандын олимпиадалык курамасы менен экинчи жолдоштук беттешин өткөрдү. Анда 2:2 эсеби катталды. Бул тууралуу КРнын Футбол федерациясы маалымдады.
Автор: Максат Кудайбердиев
Маалыматка ылайык, алгач Миржамол Касимов оюн эсебин ачып, үй ээлерин эсеп катыштыгында алдыга чыгарды. Экинчи таймда кыргыз футболчулары Кайрат Жыргалбек уулу менен Акрам Умаров катары менен айырмаланып, кыргыз өлкөсүнүн алдыга чыгуусун шартташты. Өзбек футболчуларынан Жавохир Сиддиков оюндагы акыркы голду киргизди. Ошентип, беттеш 2:2 эсебиндеги тең чыгуу менен аяктады.
Кошумчалай кетсек, 2016-жылы өтө турган жаштар арасындагы Азиянын чемпиондугунун тандоо туру 16-24-май аралыгында Бириккен Араб Эмираттарында өтөт. Кыргыз мамлекетинин жаштар курамасы жайгашкан “В” тайпасында Кувейт, Иордания, Түркмөнстан жана Пакистан курамалары бар. Ал эми Өзбекстандын жаштар курамасы Жаңы Зеландияда өтө турган Дүйнө чемпиондугунун финалдык баскычына даярданууда.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
молодецтер жигиттер