Бишкекте Ленинград блокадачыларын эскерүү максатында митинг-реквием болуп өттү

Бишкек шаарынын Октябрь райондук администрациясы Советтер Союзунун Баатыры Д.Асанов атындагы сейил багында Ленинград блокадачыларынын жана алардын бошотулушунун урматына арналган митинг-реквием өткөрдү. Иш-чарага блокадачылардын жакындары, согуш учурунда Ленинграддан кыргыз жерине эвакуацияланып келгендер, Орусиянын кыргыз мамлекетиндеги атайын жана ыйгарым укуктуу элчиси Андрей Крутько, Бишкек шаардык кеңешинин депутаттары, Октябрь райондук администрациясынын кызматкерлери жана башкалар катышты.

Мэриядан кабарлашкандай, митинг-реквием блокадачыларга атайын белектерди тапшыруу жана концерттик программа менен аяктады. Октябрь райондук администрациясы мыйзамда каралган төлөмдөрдөн тышкары, майрамдын урматына бардык согуштун катышуучуларына, оорукта иштегендерге, согушта курман болгондордун үй-бүлөлөрүнө 1000 сомдон 5000 сомго чейин акчалай жардамдарды көрсөттү.